睇醫生學坐好

由於坐姿欠佳，所以腰骨不時會赤赤痛．在人家的推介下，今日與同事膽粗粗走去油麻地推拿．聽聞話連陳寶珠同楊千嬅都係幫襯佢，在名牌效應及虛榮心作祟下，心忖這位師傅都應該「有兩度」o卦！

該怎樣說呢？推拿過程其實一點也不爽，根據師傅說，我的骨柱（即尾龍骨底部）移位，導致瘀血不散兼積水，治療首步就是要將之推正．解完一輪後，便開始郁手，揉、搖、扯、按、搓、扭等動作全部做齊後，再多召一位男醫生來幫手，將我好似公仔咁「武」一輪．在不夠半小時的療程內，發覺自己任何能轉得的部位都給轉雲，拎得的拎了，仲有可以響的關節都響齊了．

效果如何仍有待分曉，相信要過數天才可定斷．不過即時獲益的，就是學懂怎樣坐好．

原來活了這麼多年就連坐都未識．真諷刺！