最美麗的第七天

上帝把第七日，訂為休息日．但唔知係現今的老細大都不聽上帝話，定抑或虔誠的基督教同天主教徒都比較少人做得成老細，總之，大家都唔醒起，星期日真係應該要停一停，比人好好休息休息．

一個星期，我最喜歡的是星期六．我不用好像週一至五般趕起床、趕梳洗、趕上班，又不用好像星期日般，未返工先低落，要開始盤算擔心未來一週的工作．老實說句，我每個星期日的晚上，總是有點抑鬱，總覺得悶悶的．星期日晚通常不太敢約朋友外出，生怕太夜回家，翌日沒有精神上班（不過老實講，逢親要番工都唔會有精神就真），於是佔了百分之九十或以上的星期日，都是踎在家．

但星期日的大白天，通常還是會想出去走走．至於今天我的節目可豐富了．早餐後先去做Facial，然後腳底按摩，然後去修手甲．單人匹馬，翻轉銅鑼灣．原本還想去看「P.S. I Love You」，但好似港島所有戲院都落畫了，又懶得過大海，唯有作罷．回家時，剛好夠鐘吃晚飯，時間Fit到震．

下個星期做乜好？不如去唱Ｋ啦．．．．

p.s. 昨晚無無聊聊，發現屋企有隻N年前買落的「女人香」，幾鬼好睇！不過當時的Chris O'Donnell，好娘．．．Al Pacino就依家睇都仲好鬼型！我諗，其實我都係比較喜歡「文物」．．．