真真擦膠

最近比老細「狂捽」，捽宣傳「橋」、捽見報、捽傳媒效益、總之捽得就梗捽，捽唔倒都照捽。

人手劇少，工作量急增，部門內的女同事又接連放產假，人手本已經淍零的部門，已有半年沒有full team過，下個月又有人放產假，直到十二月中。至於放完產假回歸工作的，放工又要趕住返歸湊小朋友，於是唯有得吾等四無熟女，即無拖拍、無仔生、無路數、無運行之輩，留守無間道。相當灰!

講做宣傳推廣，阿姐成日口口聲聲話錢唔係問題，resources 又唔係問題，最緊要係條「橋」好。之但係轉吓頭問佢攞「筆直」做嘢，佢又唔知點解會話「其實我唔諗住俾錢做」。樣樣都話唔俾錢，但出嚟報道又要夠大夠hard-sell，係咪以為個電視台我開?你估依家我買廣告呀! 要你期望的高水平，老實我又真係唔多曉做! 成日又咁又要咁，但又一時一樣，自問不才悟性低，唔係「好很」明白你班大帝想點，亦唔多識達到閣下咁「高呢」的工作要求。

一時話我嘅stakeholder係media，一時又話我要做埋marketing PR同要consumer啲，即是想點以? 成日叫我mobilise人，但個個做到死咁滯，我唔知可以mobilise邊個? 再唔係呢就成日將部門裡面嘅人掉來掉去，分工月月轉，一時叫我做呢樣但，轉吓頭又做果樣，真係唔慌唔mobilise到你暈囉!

咁鐘意捽，莫非我個樣真係咁「擦膠」。但發洩歸發洩，都真係要為未來鋪鋪路先得，費事労氣得滯攪到自己dying young。唉....睇怕星期六都真係要認真睇睇米報.

2009年最大願望，兩個字...轉場!