聖誕倒數

進入聖誕倒數，公司的假期氣氛極之濃。四份一同事放緊假，當中包括我的老細、我老細的老細，以及敝組副經理，簡而言之，成條「添」得我一人上班，有點爽但同時又有點無聊。

明天公司開聖誕派對，今年新來新豬肉，被人事部強烈邀請(其實即係老屈)做司儀。原本打算「揸流灘」，求其HEA做，但我的「拍拿」今日竟然問我打算著乜，佢諗住襯番我。然後，人事部又問駛唔駛比條聖誕女郎裙，又或者頭飾比我，仲做哂MC稿又盛……好似都專專地業.

依家即刻覺得有哂壓力，希望聽日唔好出醜人前啦...