曼谷十萬個為甚麼

一）點解明明有咪錶，但十個有八個司機都不肯按錶收費？
二）點解上的士前明明講好咗睇錶收費，但開咗車之後又突然反口？
三）點解開價二百銖，還價至百八，但去到酒店門口，司機會忽然同我講佢無廿蚊紙，夾硬迫我找小十銖？
四）點解每架的士都有安全帶，但都只係得條帶而無扣？究竟我是否要將條帶「攝」在大脾下扮扣咗？
五）點解空中鐵路站不設兌換機，而要每個站請幾個人專門去做兌換？
六）點解曼谷的靚仔，我一個都遇不到？遇到的，就做哂he-she？
七）點解泰國會有女仔在大熱天時戴冷帽出街？
八）點解酒店話我攞咗佢幅地圖而要多收我二百幾銖，但我其實連幅地圖個影都未見過？
九）點解曼谷冇「象腿小姐」？男男女女條腿都又長又幼？
十）點解要比我見到香港同胞在酒店吃早餐時，公然「撻」人家成廿隻茶包，仲要在電梯內細數「勝利品」？

不過整體而言，雖然我問咁多點解，但係曼谷這個地方，我仍然樂於再去．．．不過希望下次與妳再會時，妳的的士司機會均真些，同埋個天可以清些藍些．