頭盔重現

年近歲晚，其中一個重點項目當然是理髮．而今次則是在朋友的推介下，光顧了一間從未到過的店．

對於理髮，我一向秉持的理念是「用人勿疑」，最多有什麼問題，大家便緣盡於此．故每次當髮型師問我會否有特別要求時，通常我都會答「無」（頂多是叫他切勿將我變成一個男人），然後由他任意發揮．當然效果如何，就得賭一舖了．

過往曾經有一位叫我非常滿意的髮型師．但可能是時間久了，後來發覺每次理髮後的樣子也差不多，無甚變化，於是把心一橫蟬曳別枝，但由於此君的手藝實在出色，儘管經已背叛了他，仍會間中推介朋友幫襯．

說回今次的新髮型，奇怪地在我沒有給予任何指示下，髮型師又再給我剪了一個頭盔裝（所以我估此髮型今年真係興）．不過此盔卻與彼盔有點不同，首先，這次沒有「啄」，其次，這個頭盔是斜放的．髮型師強調這是今期流行的髮型，這點我倒不太清楚，之但係我的即時回應是「你千祈唔好點我」（回想髮型師其實頗英俊，此舉未免太失儀了）．

怎料甫進家門，老媽子對我說的首句話，竟然與半年前的一模一樣：「你個頭真係好肉酸」，大彈之餘仲話我今年去拜年可能會比親戚笑云云．

車，係咪咁呀，我都忍住唔笑佢地去「電彈力」啦！話時話，點解每個媽媽過年都要去電髮呢？！