點解？！

因為要為朋友的婚禮擔任司儀，所以近日需要四出張羅一件「很飲」的飲裙．

可惜，走遍了整個銅鑼灣及金鐘，也找不到一件像樣的．當然，像「連根拔」此等上流百貨，必定有合心水的，不過，再看看價錢牌．．．還是算了吧，反正又唔係我嫁．

行到發忟，好不容易才看到有一件顏色，款式都合意，兼售價合理，而「re-著－ability」亦算高（起碼有機會encore)，於是二話不說，聽「Sell屎」姐姐講，埋鏡拼拼，又隨便試試．

可怕的事情，隨即就在更衣室內發生．當試完條裕後，我竟然脫不下它！怎麼，又說這條是Free Size?莫非我真係肥成咁？點解會「著得起，除不低」吧！在更衣室磨了懷疑有十多分鐘，又辛苦又尷尬，最終出了九牛二虎之力，谷到面都紅埋，才能成功與裙子「解體」，阿彌陀佛！

自知絕對不是瘦，但應該還未至於是「大隻妹」．但最近，卻發覺自己竟然開始要買大碼衫，又或者根本買唔倒衫．究竟是我錯，還是社會的錯？究竟點解依家的衫只係會出細同加細碼？究竟點解香港女仔食乜可以食到咁瘦？究竟幾時先會興番珠圓肉潤？究竟我以後係唔係剩係可以去瑪莎買衫？