你今日投咗未呀？

繼腳底按摩、香薰、纖體、水晶甲之後，很多香港人突然多了一個新興趣，叫做「玩投訴」．

前人有明訓「道不同，不相為謀」．但今時今日，如此態度當然未夠．所謂「唔順超，過兩招」，而最好當然是精人出口，笨人出手．有問題，最佳方法當然是訴諸「特衰正苦」乜乜委員會，再加上部份埋沒良心的傳媒機構加入圍剿，然後搵番兩件政壇古董振振有詞地指點兩度．雪球滾滾下，於是兩隻蒼蠅飛過香港上空，頓變翌日報章頭條．而一眾義憤填膺的「康港人」，由牛頭角順嫂到維園阿伯，通通化身成地球拯救隊，發表救港滅歪風驚世偉論．

人人都在忙於查找（別人的）不足，但真理怎麼又好像愈辯愈不明．時光又好像一下子回到文革時．

相信不久將來，應該會有人向環保署投訴隔離位同事樣衰兼有臭狐；向食環署投訴隔離屋食榴槤；向平機會投訴性別歧視點解男人唔可以入女洗手間，又或點解富豪可以包女明星，而自己又包唔起；向社署投訴親生父母生得自己樣子不夠標青，為自己帶來永久性的心靈創傷．

而且，根據本人推算，離此日應該不遠矣．