驚世大啟示

欲做新聞頭條的主角，原來除了成為國家元首、出來「食大茶飯」、遭逢劫難之外，驚惶失措暴走街頭亦可。

原本只是私人事幹一樁，不值一提。怎料當時人反應過激，狼狽閃躲，小家子行逕成功令小事化大。從艷女蹺手行街上綱至言論自由及機構廢存，荒誕不堪之餘，更難為其他人要幫忙收科，一句到尾「肉鬼酸」。

從這件事，大家該可得到下列幾點教訓：
男子組士方面：
1. 無論自己是否理虧，最緊要保持鎮定，能夠睜大眼睛說謊其實也是一種處事技巧；
2. 各位拍照時，必須要企定定；
3. 攝影師曉得低抄，無謂嘗試用手擋鏡頭或遮面；
4. 切勿天真地以為女伴的身軀可作掩護，除非閣下身旁的是韓紅；
5. 背著老婆偷食白，除了記得抹咀，也緊記先入番對暴走鞋。

女子組方面：
1. 一字記之曰「靚」。就算唔靚，都要扮靚。
作為正室，試問如果你的另一半心有外鶩，而對方又明顯比閣下青春、企理、水擘擘很多，說不定坊間臭口族都會忍不住苦口婆心說句「又都好難怪個男o既」。

為人二奶者，如果相貌唔掂，身材唔好，都一樣死。不用多講，最佳人版─卡美拉。

打工仔方面：
1. 如果你老細無智慧，應變能力又差，就注定你呢世都無運行。

主人翁你無奈呀?我地做細o既仲無奈呀!!!